شوفوا البنات إيش صاروا يكتبون على عباياتهم..!!!

[الحلوة ما تنصاد]

السلام عليكم ورحمة الله وبركاته...


يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها



الظاهرة التي انتشرت وبشكل فظيع وهي


كتابة عبارات سفيهه ومبتذله على عبايات النساء:eek:



منهم من تكتب على العباية




Follow me



أي إلحــــــــــق بي <<<< وكأن الناس مايفهمون باللغة:mad:



واللي تكتب إسمــــــــــــها وتزخرفه كانه نك نيم والا بطاقة جامعيه


واللي تخط حرفها بالخط العريض اللامع على ظهرها



واللي من كثر الإعتزاز بقبيلها تكتب


(اسم قبيلتها) وأفتخر



خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها




والأدهــــــــــــــــــــى


والأمر



واللي يصــــــــــــرع




اللي تكتب لك




(( إذا في امك خير إلحقني ))


إما انها تهدد <<<< وكنها تقدر تطق:eek:


وأيضاً


البنت اللي كتبت عنها حتى الجرايد الخليجية


واللي كانت كاتبه على عبايتها



(( أتحــــــــــــــــــداك تلمسني ))


عرض صريح



ماناقص الا تكتب عليه




تخفيضـــات 50% على اللي يلمسنى:D






والي عباتها عليها صورة الملك عبد الله وسيفين ونخله ...

طبعاً بالألوان .......... !!



اذا انتي وطنيه لهدرجه سوي العبايه وخليها بالبيت ؟؟؟



أعزائي


القضية هنا ماتمس العادات والتقاليد فقط


تمس الدين أيضاً



الظاهرة هذي نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه


فهي بدأت ومن ثم انتشرت


وكيف انتشرت



كل هذا نتيجة لسطحية التفكير وضعف الوازع الديني


وفقدان السيطرة على زمام الأمور وإيجاد حل للمشكلة بعقلانية وتروي وإنضباط


هذي نتيجة ........ ارخاء العصا وعدم مسكها من النص

ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.....



السؤال:confused:...اين اولياء الامور...


اين الاب؟ ...من اشترى تلك العباءة؟....



تحياتي لكم..

[clever]

بالفعل الله يهديهم ..

جزاك الله خير ..

شكرا لك ..


:)

[Sho0og]

الــ ح ــلوهـ ماتنصااد
"
كلامكـ صحيح وهذا اللي نشووفه اللحين :)
"
بس ماانقووول غـــ ي ــر الله يهديهمـ :)
"
تقبلي مروريـ :)
"
دمتي بوود

[أنـيـن آ‘لـ(ع)ـّذآ’ب]

هم صغار عقول ماظن بنت صاحيه تكتب أشياء هذي في عبايتها
الله يهديهم ويستر عليهم من جد شئ يحزن ويفظر قلب
تسلمي اختى حلوه ماتنصاد علىطرح موضوع ومناقشته
ودمتى بخير

[М!Sş ŴaŚàŋ]

ماناقص الا تكتب عليه




تخفيضـــات 50% على اللي يلمسنى



>>> كآآي


فعلاً ..


بس الحين تلاقيين الاب ما يقرا و الام ما تدري وسوو ذا . ..


والبنت تأخذ راحتها

اقول اللهـ يخلي mel

:)

يسلموووا ..


وتقبلي مروري. .

[ms.s kfoury]

والله من قلت العقل والدين

[CrAzY AbOuT 2]

استغفر الله ( وجهـ معصب )

من جد دوللي الناس ماعندهم عقــل

الله يهديهم و يشفيهم بس

يسـلموو ع الموضوع اللي يقهررر

[الحلوة ما تنصاد]

يسلمووو خيوووو clever على مرورك
ومن جد الله يهدي جميع المسلمين والمسلمات



يسلمووو خيتوووو Sho0og على مرورك الذي أنار صفحتي بهيجها
الله يهدي الجميع ان شاء الله



يسلمووو أختي أنين العذاب على مرورك
بس يمكن تكون عقولهم صغار بس فين أهلهم عنهم وما نقول غير الله يهديهم



يسلمووو حبيبتي was an على مرورك الكريم
بس إذا الأب ما يعرف يقرا والأم ماتدري هيه تفكر في كلام الناس وإذا الناس مايخصوها تفتكر كيف بتقابل ربها باللي تلبسه وتظهر للناس وخصوصا للرجال..



يسلموووو خيووو ms.s Kfoury على مرورك
والله يدهم العقل والدين ان شاءالله



ثانكس CrAzY AbOuT 2 على مرورك
بس الموضوع ما يقهر الموضوع يبغالوا مناقشة عشان ممكن نلاقيلوا حل ...
ودمتم بود,,

[Hσиεч Mαdч]

يمكن ابوها ما يقرا انجلش خخخخ




بصراحه انا ما قد شفت شي زي كده

بس كل وحده حره ف عبايتها

وعبايتها تدل على شخصيتها

وهيا كده ادت انطباع عنها انها وحده هبله وجاهله ورخيصه << مع احترامي

وادت انطباع عن اهلها اللي غافلين عنها




آآآآه يا زمن ما نقول الا الله يثبت فينا الدين العقل




ثــــآنكس يا عســـل :)

[بنت ناس وما تنداس]

مااقول غير الله يبصر اهاليهم لانو من جد عميان وكمان الله يخلي الهيئه :)

[جلالة الملكه]

والله موضوعك فعلا واقعي .. انا شفت عبايات مشابهة وكأن العبايه صارت ورقه او بالاصح جدار من هذه الجدران اللي بنلاقي الشباب كاتبين عليها ذكرياتهم...

للاسف انه المشكله تكمن في الاهل من ناحية فأكيد انه الاهل مو فاضين انهم يراقبو لبس بنتهم وهي طالعه من البيت.. يمكن لانهم مايملكون الوقت لذلك (( اجل ليه مخلفينهم مادام ماعندهم وقت يربوهم)) ولا بيحاول انهم يغرسو فيها الحياء والحشمه, وهذه مسؤليه الاهل بالدرجه الاولى لانه لو البنت قدرت انها تقنع اهلها انها تطلع بعبايه بهذا الشكل ... في هذه الحاله أين هي قناعة الاهل بدينهم..؟؟؟


وايضا بيعتمد على المدرسه .. المدارس بتجبر البنت انها تلبس العبايه مو لانه فرض من فروض الدين ولكن لانه قانون من قوانين المدرسه فبتالي البنت بعيدا عن المدرسه راح تعمل اللي مابتقدر انها تعملو في المدرسه بعتبار انه السوق مافيه قانون لشكل العبايه.. فبتدا تصمم عباية على ذوووووقها وبتحاول قد ماتقدر انها تعرف بنفسها عن طريق العباية ( مثل اسمها..او حروف من اسمها ..)


بالاضافة الى شي مهم قلة حضور هؤلاء الفتياة الى ندوات اسلامية هادفه.. يعني ممكن المدرسه انها تعمل محاضرات وتحضر الى المدرسه محاضرات يلقون محاضره دينيه لكنها محاضره بتكون مره بالسنه بالاضافه انه مابتكون هناك نشاطات متصله بالمحاضره لتحفيز الطالبات..


الموضوع معقد جدا ويحتاج الى جهد بالغ للحد من هذه الظاهر المبتذله ....اتمنى اننا كلنا نساهم بوضع حد لهذه العبايه ...واعتقد انه توجد عدة طرق منها...
عدم تقليدها ... النصحيه قدر المستطاع ...

اسفه على الاطاله لكن الموضوع فعلا واقعي ويحتاج الى حل...شكرا على طرحك للموضوع..

[الحلوة ما تنصاد]

يسلمووو حبيبتي Mady على مرورك
بس يامادي والله العظيم هادا اللي حاصل
وعلى قولتك آآآآآآآآآآآآآه على دا الزمن اللي مايدري اش حيصير فيه



مشكوووووورة حبيتي بنت ناس وما تنداس على مرورك الرائع
حتى لو خلو الهيئة في أماكن ساروا يمنعوا الهيئة فيها



يسلمووو خيتووووو جلالة الملكة على مرورك الذي أسعدني ;)
صح انوا الدور الأول والأخير للأهل لكن في بنات قوين على أهلهم يعني بيصرخوا فيهم وبيضربوهم و ...و... و ...والله العظيم البنات ما أدري اش صار فيهم بس المهم ياخدوا اللي يبغوه من أهلهم وبعدين ما يعرفوهم..
حتى لو خلونا نلبس عبايات سادة زي مابتقولي ولكن لما بتخرج بتغيرها مستحيل يقعدوا بيها لكن حتى المدارس ما سار فيها إهتمام بالعبايات وبالذات الثانوي..
ويسلمووووو حبيبتي على تجاوبك مع الموضوع:)

ودمتم بود,,,

[جلالة الملكه]

يسلمووو خيتووووو جلالة الملكة على مرورك الذي أسعدني ;)
صح انوا الدور الأول والأخير للأهل لكن في بنات قوين على أهلهم يعني بيصرخوا فيهم وبيضربوهم و ...و... و ...والله العظيم البنات ما أدري اش صار فيهم بس المهم ياخدوا اللي يبغوه من أهلهم وبعدين ما يعرفوهم..
حتى لو خلونا نلبس عبايات سادة زي مابتقولي ولكن لما بتخرج بتغيرها مستحيل يقعدوا بيها لكن حتى المدارس ما سار فيها إهتمام بالعبايات وبالذات الثانوي..
ويسلمووووو حبيبتي على تجاوبك مع الموضوع:)


ودمتم بود,,,



ربي يسلمك وشكرا اكتر على تفاعلك مع الرد..

بس النقطة اللي ابغى اوضحها انك بتقولي (( انهم قوين على اهليهم....)) طيب كيف ممكن البنت تكون قويه على اهلها اكيد, لانها مهي متربيه كويس وهنا بنرجع لدور الاهل لو اهلها ربوها على انها تحترمهم وتقدرهم وتحترم غيرها ونفسها بالدرجة الاولى كان ماتجرئت انها تتعامل معاهم بهذا الشكل...فبتالي بنرجع لنفس النقط وهي ((اهلها))..



ومافي ام تعبت وربت بنتها على اخلاق كويس وماقصرت معاها وربتها بطريقه علميه يعني مثلا مو بدلع زايد ولا بنهر وذل وتعذيب .. وكانت قدوه لها في التعامل والسلوك والاخلاق وحيكون ثمرة تربيتها ابنه (( عاقه))...



اذاً فّتربيه مسؤلية وهي بالاول والاخير مسؤولية الأهل ..



ولا احنا ليه بنقول هذا (( ولد متربي )) وهذا ((ولد شارع)).................................؟




وبالنسبه للمدرسه انا وضحت انه دورها عظيم وهو انها توجه الطالبة بطريقه سليمه وتحسسها لأي درجة ممكن يكون للحجاب قيمة وانه فرض وواجب ديني وليس مجرد قانون من قوانيين المدرسه..



وللمعلوميه بيوجد اهتمام واهتمام كبير من المدارس بالعباية بعتباره قانون وأكبر دليل على ذلك ممكن إنك تعدي على المدارس وخاصتنا( بعض) المدارس الثانويه بوقت انتهاء الدوام ولاحظي انه طالباتهم بيطلعو من المدرسة بعباية (على الرأس).. لسبب انه المديره هي فارضه هذا الشي...
لاحظي كلمة ((بعض المدارس الثانويه)) مما يدل انه لم يعد قانون من قوانين المدرسه فقط انما ايضا فرضا من الفروض التي تفرضها مديرات بعض المدارس...




بالنهاية حابه من كل قلبي اني اشكرك على تفاعلك مع تعليقي اثلجتي قلبي بتفاعلك..



واتمنى مااكون ضايقتك.



أختك / ريما..

[الحلوة ما تنصاد]

يسلموووووو حبيبتي ريما ويعطيكي ألف عافية على الكلام الجميل
وزي ماقلتي الدور الأول والأخير يرجع للأهل
لكن بالنسبة للمدرسة صح انوا في بعض المدارس هيه اللي بتخلي البنات يلبسوا عبايات سادة وفي كمان مدارس بتخلي البنات يلبسوا عبايات على الراس وفي كمان مدارس ما بتهتم في العبايات يعني لو إنوا النظام يمشي على كل المدارس الحكومية والخاصة أفتكر إنوا نكون قدرنا على حل نص المشكلة....
ومشكورة حبيبتي على تجاوبك و إهتمكامك بالموضوع;)